Rreth Eco Bike

Eco Bicycle është një program që synon të promovojë transportin ekologjik me bicikleta duke i dhënë qytetit tonë më shumë ajër të pastër, duke shtuar një praktikë qytetare dhe europiane që ndihmon në zhvillimin ekonomik, social dhe mjedisor të komunitetit tonë.

Si funksionon Eco Bicycle ?

Eco Bicycle është një shërbim publik që i ofrohet qytetarëve nëpërmjet stacion/parkimit të bicikletave në pika të ndryshme të qytetit, për të lëvizur dhe kryer punët e përditshme. Këto stacione bicikletash do të ngrihen nga PASS dhe do të mbikqyren në bashkëpunim me pushtetin lokal, duke punësuar njerëz me mundësi të pakta dhe familje në nevojë.

Eco-Bicycle redukton trafikun në qëndrat e qyteteve, edukon komunitetin tonë sipas një modeli të zhvilluar europian duke përftuar njëkohësisht nga të mirat e përdorimit të biçikletës, ofron mundësinë për Pushtetin Lokal të përmirësojë transportin publik sipas modelit të zhvillimit të qëndrueshëm ekonomik, social dhe mjedisor.

Shërbimi Eco-Bicycle

Eco-Bicycle është një shërbim që mund të ofrohet nga Bashkia e Qytetit, Universiteti dhe Organizata Jofitimprurëse në formën e një biznesi social. Ideja e biznesit social për të ofruar një transport ekologjik të lirë dhe mundësi punësimi për njerëz dhe familje në nevojë është eksperiencë e provuar në vëndet më të zhvilluara europiane.

Investimi kryesor dhe kostot operative të Eco-Bicycle variojnë nga dendësia e popullsisë, numri i bicikletave të ofruara, zona e shërbimit dhe investimi bazë. Kostot kapitale përfshijnë prodhimin e bicikletave dhe të stacioneve, liçenca, ruajtja dhe sistemi i rikthimit të bicikletave që përdoret për të pajisur qytetarët me karta anëtarësie apo mekanizma të tjerë, qeraja apo blerja e makinave të cilat mundësojnë transportin e bicikletave, stacioneve dhe paisjeve të mirëmbajtjes, etj. Në qytete si Parisi, Munich apo New York kostoja vjetore për mirëmbajtjen e një biçiklete varion nga 3.000 – 4.000 USD. Kostot operative përfshijnë mirëmbajtjen, zëvendësimin e bicikletave jo më funksionale,  shpërndarjen, stafi, sigurime, hapësira zyrash, hostim faqe interneti, etj.

Eco Bicycle është një shërbim publik që i ofrohet qytetarëve nëpërmjet stacion/parkimit të bicikletave në pika të ndryshme të qytetit, për të lëvizur dhe kryer punët e përditshme.
1. Zgjidh biçikletën , 2. Pedalo, 3. Rikthejeni në stacionin më të afërt

Ky shërbim ofrohet nga ora 07:00 – 24:00, gjatë gjithë kohës.
Zgjidhja më e mirë, më ekonomike dhe më e shpejt për të kryer punët e përditshme.